Entrevista relizada por Vieiros a Mariano Abalo e ó portavoz do Foro Social, Tiago Pérez.
A pé do mar de Cangas acontece unha loita que non ten transcendido abondo fóra do contorno da propia ría de Vigo, malia ofrecer exemplo do que veciños e políticos locais cualifican como unha clara aplicación "das receitas da especulación". O caso xorde do cambio de uso industrial a residencial dun conxunto de terreos a pé de mar nun espazo de privilexio, onde un convenio con moitas "sombras", bota para adiante a posibilidade de construír un milleiro de vivendas, un hotel, un centro comercial e un porto deportivo.